चिपळूण : महाराष्ट्र कामगार कल्याण मंडळातर्फे दिला जाणारा गुणवंत कामगार पुरस्कार वसंत लक्ष्मण चिपळूणकर यांना जाहीर झाला आहे.
चिपळूणकर हे गाणे-खाडपोली औद्योगिक वसाहतीतील जे. के. फाईल्स कंपनीतील इलेक्ट्रिकल विभागात काम करतात. त्यांनी उत्पादकता व गुणात्मकतेसाठी महत्त्वाची भूमिका बजावली आहे. आपल्या अभ्यासू वृत्तीमुळे त्यांनी इलेक्ट्रिकल इक्विमेंट्सचा वापर करताना ऊर्जा बचतीसाठी महत्त्वपूर्ण काम केले आहे.
कोकणातील दुर्गम भागातील वीजप्रवाह सातत्याने खंडित झाल्यास पंपचालकांची होणारी दमछाक लक्षात घेऊन त्यांनी मोबाईल संचलित वॉटर पंप यंत्रणेमध्ये महत्त्वपूर्ण योगदान दिले आहे.
त्यांच्या कार्याची दखल घेऊन त्यांना हा पुरस्कार दिला जाणार आहे.
